Orotara, 11.264 erandioztarrek bozkatu dute gaurko udal hauteskunde egunean, parte-hartzea %58,51n jarriz. Euzko Alderdi Jeltzalea izan da alderdirik bozkatuena, 4.531 boto (%40,97) eta 10 zinegotzi eskuratuz. Hala ere, ez du aurreko legegintzaldian bezala gehiengon osorik izango, bi ordezkari galdu dituelako. Atzetik PSE-EEk 2.236 boto (%20,22) eta 5 zinegotzi lortu ditu. Bildu, berriz, hirugarren indar bilakatu da Erandion, 2.112 herritarrek (%19,10) emandako babesari esker. Lau eserleku izango ditu koalizioak. Azkenik, PPk bi zinegotzi izango ditu, jasotako 1.108 botoei esker. Ezker Batuak eta Aralarrek ez dute bozka nahikorik batu ordezkaririk izateko: 495 (%4,48) eta 271 (%2,45) boto, hurrenez hurren. Argazkian, 14 urteotan Erandioko alkatea izan zen Mikel Arieta-Araunabeñaren lekukoa hartu zuen Goikouriak, azken hori Bilboko Merkataritza, Industria eta Nabigazioko Ganbara Ofizialeko Zuzendaritzara lekuz aldatu zelako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun