Magiaren Astea egingo dute igandera bitartean Sopelan. "Enseñe magia a sus nietas/os" lelopeko emanaldiarekin abiatuko dira jarduerak bihar, asteartea, arratsaldeko 5etan, Kurtzio Kultur Etxean. Gero, 19:30ean, nagusientzako magia tailerra izango da, eta etzi beste ikuskizun bat izango da Nagusien Etxean, 18:00etan. Sopelako Udalak jakinarazi dutenez, maiatzaren 27an, Dani Da Ortizek "Magia de cerca" ikuskizuna aurkeztuko du 21:00etan, Kurtzion bertan. Sarrera bakoitzak sei euro balio du. Larunbatean, eskulan magikoak egiteko aukera egongo da arratsaldeko 6etan, kultur etxean. 19:30ean, berriz, gazteentzako magia tailerra egingo dute, Gaztelekuan. Azkenik, 21:00etan, magia ikuskizuna izango da El Tahur y La Florista, Mago Sun, Miguelillo eta Sylvanarekin. Sarrera bakoitzak hamar euro balio du. Magiaren Astea igandean amaituko da. Arratsaldeko ordu batean kaleko magia egongo da herrian zehar, eta 13:30ean, "Kayto" haurrentzako ikuskizuna izango da Udaletxeko plazan. Argazkian, kaleko magia ikuskizuna Itzubaltzeta / Romon.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun