Hortaz, auzokoentzat "hain beharrezkoak" diren proiektuen lanei hasiera emateko beharrezko lurzoruak kudeatzeari ekingo diote. Proiektua aurkeztea Eusko Jaurlaritzari dagokio eta aurten bertan tramitatzen hastea espero du Udalak. Horrela, datorren urtean jarduerari ekiteko behar diren lurzoruak desjabetu ahal izango dituzte.
Proiektu orokorra Leioako Udalak eta Eusko Jaurlaritzak 2009an sinatutako hitzarmen baten ondorioa da, "ekimen pribatuaren bitartez konpondu ezin izan den arazoari irtenbidea emateko", adierazi dute arduradunek. Horren bidez, Eusko Jaurlaritzaren esku hiri-jarduera geratzen da eta Udalaren esku, aldiz, igogailua ezartzea. Dagoeneko, Eusko Jaurlaritzak beharrezkoak diren bi dokumentuetatik lehena tramitatu du, UJPa, hiri jarduera posible egiteko. Oraindik bigarrena izapidetzea geratzen da eta horren gainean ari dira lanean.
Leioako Udalak Lamiako eta Txorierri auzoak mekanikoki lotzea onartu berri du, igogailu edo funikular baten bidez. Era berean, babespeko 78 etxebizitza, itsasadarrera begira egongo den paseo-begiratokia eta magaleko parke bat eraikiko dituzte. Bestalde, Udala lanean aritu da Txorierrin beste errepidezko sarrera bat jartzeko, gaur egun Ondiztik doanaren osagarri izateko. Ildo horretatik, Udalak amaitu egin du lurzoruaren jabeekin akordioak sinatzen, "desjabetzera jo behar izan barik", adierazi dutenez. Aipatutako erabakiak hiri-garapen arloaren behin-betiko Urbanizatzeko Jarduera Programaren (UJP) barruan kokatzen dira. "UJP onartzeak beharrezkoa den hurrengo eta azken pausuari irekitzen dio atea, Urbanizazio Proiektua", Udalekoek azaldu dutenez. Irudian, funikularreko proiektuaren infografia / © Leioa.eu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun