Zabaldutako hauteskunde datuak okerrak direla salatu du Berangoko Bilduk

Erabiltzailearen aurpegia Ukberri 2011ko maiatzaren 25a

Pasa den igandean Espainiako Barne Ministerioak udal hauteskundeen harira Berangoz emandako datuak "okerrak" direla salatu du gaur Bildu koalizioak. EAk, Alternatibak eta independenteen hautagaitzak azaldu dutenez, "hauteskunde gauean egindako akats baten ondorioz" sortu ziren okerreko boto kopuruak: "mahai bateko datuetan akatsa izan zen, eta Ministeriora Udalerako datuak bidali beharrean, Foru Aldundirako datuak igorri ziren". Gainera, argitu dutenez, Bilduko apoderatuek jaso dituzten akta ofizialen emaitzak eta Bizkaiko Foru Aldundiak argitaratutako emaitzak bat datoz. Hauteskunde Batzordeak argitu beharko dituen datu horiek ez lukete zinegotzi aldaketarik eragingo baina EAJ eta Bilduren arteko tartea murriztuko lukete, 171 botoetatik 143ra. Beste hainbat komunikabidek bezala, UKBERRI.NETek Espainiako Barne Ministerioaren emaitzak zabaldu zituen igandean. Bestalde, Berangoko Bilduk "historikotzat" jo du pasa den igandeko eguna. Argazkian, hainbat berangoztar Bilduren ekitaldi batean / © Bildu.

Berangoko Bilduk kaleratutako balorazioa

1.022 aldiz: eskerrik asko eta zorionak Berango!

Historikoa. Horrelakoa izan zen maiatzaren 22ko eguna Hego Euskal Herrian eta Berangon. Historikoa eta itxaropentsua.

Ezkertiar eta abertzaleen koalizioak marka guztiak hautsi ditu Berangon: denon lanari esker, 1.022 boto lortu ditugu. 1.022 berangoztarrok aldaketa garaia dela aldarrikatu dugu. Eta posible dela erakutsi dugu. Ilusioa dugulako, lan egiteko gogoa, ideiak, herriaren parte-hartzea sustatu nahi dugulako, demokrazia partehartzailean sinisten dugulako… gure herrian sinisten dugulako, eta gure herriaz harro gaudelako!

Atzoko eguna historikoa izan da. Gaurkoa, lan egiteko konpromisoaren eguna da. Eta biharkoa, garaipenaren eguna izango da. Zorionak, eta aurrerantzean ere ateak zabalik izango dituzu biltzeko eta lanean jarraitzeko! Aurrera goaz!

Bilduk erreklamatzen dituen emaitzak

• EAJ 1165 (5 zinegotzi)
• BILDU 1022 (4 zinegotzi)
• PP 471 (2 zinegotzi)
• PSE 353 (zinegotzi bat)
• EB 219 (zinegotzi bat)

Espainiako Barne Ministerioak behin behinean zabaldutako emaitzak

Politika Berango
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun