Komunikatu batean, ELAkoek "soldataren murrizpena, bigarren aktibitatea egiteko eskubidearen debekua eta langile gehiago izateko beharrizana" salatu dute. Bitartean, "Gobernukoek publikoki iraintzen gaituzte, lan baldintzak murrizten dituzte eta gure segurtasuna mesprezatzen dute", jakinarazi du sindikatuak.
Zentzu horretan, Aresen Ertzaintzaren Egunari "aurre egiteko", ELAkoek Erandioko instalazioetan eta bere inguruetan enkartelada "masiboa" egiteko, familiarrei informazioa emateko eta "ekimen alternatibora" joateko deia zabaldu dute. Bertan, besteak beste, sailburuaren "erasoak eta manipulazioa" salatuko dituzte.
Ertzaintzaren Egun ofizialaren aurrean "egun alternatiboa" egingo dute sindikatuek
Erandio Landako Ertzain hirian ekainaren 19an ospatuko den Ertzaintzaren Egunari boikota egiteko deia luzatu dute sindikatuek beste urte batez. Gainera, Ertzaintzaren gehiengo sindikalak egitasmo horrekiko ospakizun alternatiboa egingo du Ertzain hiritik metro gutxitara, "Deia" egunkariak zabaldu duenez. Aipatu ekimena "ludikoa, solidarioa eta aldarrikatzailea" izango da eta agente guztiei tokira bertaratzeko deia luzatu diete. ELA-Ertzaintza sindikatuak Gobernuak antolatutako egun horrekiko "boikot aktiboa" egiteko deia luzatu zuen atzo. Izan ere, poliziek salatu zutenez, "Rodolfo Ares Herrizaingo sailburuak bainu mediatiko bat eman nahi du egungo testuinguruan, 125.000 euroko kostuarekin. Horretarako ertzainak eta bere familiarrak erabiltzen ditu, nahiz eta egunero gaizki tratatzen gaituen bere ekintzekin". Argazkian, Patxi Lopez eta Rodolfo Ares dozenaka ertzainen aurrean iazko Ertzaintzaren Egunean / cc-by Irekia.net-Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun