Hasiera batean egitaraua sekretupean mantendu bazuten ere, egun ikusgai dago jada webgunean. Gauzak horrela, "Irrien lagunak" ikuskizuna, Des-kontrol, Zea Mays, Gose, Pantxoa eta Peio, Lain, Esne Beltza, Ze Esatek! eta beste hainbat ekitaldiz gozatzeko parada izango da Ondarroan igande honetan.
"Itsasoko haize berria… Boga!" bideoklipa (© Ibilaldia)
Etzidamu, igandearekin, Ibilaldia Bizkaiko ikastolen jaialdia ospatuko da. Bertara autobusez hurbiltzeko, baina, gero eta aukera gutxiago gelditzen da eskualdean. Esate baterako, gaur bukatuko da epea Berbots Erandion Euskaraz taldeko autobusean izena emateko. Halere, Leioako koadrila batzuek beste autobus bat antolatu dute Ibilaldira joateko, eta oraindik badute tokia. Igandean, Leioako Bulebarrean dagoen Itxas Bide kafetegitik aterako dira 9etan eta ordu laurden beranduago azken bidaiariak batuko dituzte metro geltokian. Buelta, berriz, gauerdian egingo dute Ondarrutik. Bihar izango da autobus horretarako izen-ematea egiteko azken eguna, ostiral eguerdira arte egongo baita zabalik Kurkudi tabernan jarritako zerrenda. Bidaiari bakoitzak 10 euro ordaindu beharko ditu. Argazkian, Ibilaldian, besteak beste, Porrotx arituko da, aurreko egunean Itsasoruntzeko surflariekin mareatu ezean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun