Diseinu Lehiaketan Frantziako Philippe Laffonten Estampa y Bibliografia tailerrak irabazi du lehenengo saria, "Puente Colgante de Bizkaia" paper gaineko serigrafiaz baliatuta. Bigarren saria Teresa Salutregiren Bilboko Urre Joyeros tailerrak eskuratu du, amatistaz eginiko lepoko bati esker. Stand lehiaketari dagokionez, Amorebieta-Etxanoko Iñaki Unanue eskulangilearen egur tailerra atera da irabazle eta bigarren saria Joao Clara eta Antonio Costa artisau portugaldarren Ecola ehungintza tailerrak eskuratu du.
Hainbat espezialitate
Aurtengo azokan hainbat espezialitate daude ikusgai: zeramika, bitxigintza, ehuna, harriak, metala, larrukigintza eta landare-zuntzaz eginiko lanak. Halaber, ezin dira ahaztu artisautzan hain ohikoak ez diren beste arlo batzuk ere. Guztira, 26 izango dira Areetan ikus daitezkeen eskulangintza arloak. Gainera, gastronomia-gunea ere badago, Itzubaltzetako Ibaiondo kalean. Bertan, 14 salerosle ariko dira igandera arte.
Portugalgo, Frantziako eta Bizkaiko artisauak saritu dituzte Getxoko Eskulangintza Azokan
Portugalgo, Frantziako eta Bizkaiko profesionalek eskuratu dute Getxoko Eskulangintza Azokaren diseinu eta stand lehiaketen sariak. Feria Areetako Xake plazan kokatuta dago eta, bertan, igandera arte, 98 postutan saltzen diren hainbat espezialitatetako artikuluak ikusteko eta erosteko aukera egongo da. Bestalde, Itzubaltzeta / Romoko Ibaiondo kalean Gastronomiaren Gunea kokatu dute eta, horretan, beste 14 saltoki ere badaude. Azokaren ordutegia honako hau da: 11:00etatik 14:30era goizez eta 17:00etatik 21:00etara arratsaldez. Bihar, larunbatarekin, 21:30ean itxiko dute. Iaz bezala, sarrera doakoa da. Diseinu eta stand lehiaketak orain dela zenbait urte abiatu ziren. Lehenengoak berrikuntza sustatzea du helburu nagusi eta bigarrenak salmenta postuen itxura, originaltasuna eta erakargarritasuna saritzen ditu. Argazkian, katutxoa orain bi urteko eskulangintza azokan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun