Getxo Sea Week ekimena hasi baino lehen, Udalak itsas postalen lehiaketa abiatu du. Bertan, udalerriko Lehen Hezkuntzako ikasleek parte hartu ahal izango dute. Sariketa horren bidez, norbanakoaren bizimoduan eta Getxo udalerrian itsasoak duen garrantziari buruzko hausnarketa bideratu nahi dute neska-mutilen artean. Parte hartu nahi duenak bi modu izango ditu: lehenengoa, herriko ikastetxeen bitartez, ikasleen artean parte hartzeko txantiloiak banatuko baitituzte; eta interneten bidez, aipatu txantiloiak www.getxoseaweek.com webgunetik deskargatuz. Sariak herriko dendetan 150 euro gastatzeko hiru txartel izango dira. Horiek ekainaren 24an Areetako Txurrukako kaian egingo duten ekitaldian banatuko dituzte. Argazkian, Imanol Landa eta Aitor Soloeta iazko Itsas Astea aurkezteko Bizkaiko Zubiaren ondoan jarritako olagarro puzgarri erraldoiarekin / © Getxo.net.
Sariketa ekitaldia 20ko hamarkadako urteetan eta itsasoko bainujantzietan girotutakoa izango da. Hiru txartelez gain, lehiaketan soilik parte-hartzeagatik Getxoko Antzar Jokoaren ale bana jasoko dute umeek. Txurrukako kaian bertan jasotzeko aukera izango dute, ekainaren 24an eta 26an. Joko horrek udalerrian zeharreko bidai bat simulatzen du, tokiko hainbat alderdi nabarmenduz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun