Bermeoko ontzia Euskadiko gizonezkoen trainerillen txapelduna bilakatu zen seniorren finalean. Horrek, "Euskal Herria" izenekoa, 13.22:59ko denbora egin zuen. Kaikuk lau segundo beranduago ailegatu zen helmugara eta, horrenbestez, zilarrezko domina eskuratu zuen. Gipuzkoako Pasai Donibane Koxtapek, bere aldetik, txapelduna baino 28 segundo gehiago eta Urdaibaikoek baino 11 gutxiago behar izan zituen proba bukatzeko. Azken horrek, Bermeoko bigarren botea dena, laugarren eta azken postua eskuratu zuen. Hurrengo astean Espainiako Trainerillen Lehiaketa izango da Galiziako Vilaxoana herrian, baina, Bermeokoek ez dira bertara joango. Kaikukoek, ordea, bai.
Gizonezko gazteen kategorian, Sanpedrotarrek eraman zuten txapela, Zumaiakoei 27 ehunen, Arkoteri 11 segundo eta Itsasoko Amari 14 segundo atera zielarik. Kontsolamenduko tandan, Mundakakoek lehen postua eskuratu zuten, Getariakoei 22 segundotan gaindituz, 34tan Kaikukoei eta 50etan Getxo markakoei.
Getariako ontzia Euskadiko trainerillen txapelduna bilakatu zen pasa den larunbatean Plentziako uretan izandako emakumezkoen kategorian. Izan ere, nahiz eta lehen ziabogara atzetik iritsi, gipuzkoarrek estutasunik gabe lortu zuten garaipena, 15:33:13ko marka egin zutela, Pasai Donibaneko Koxtape klubaren trainerillak baino zazpi segundo gutxiago. Hirugarren Zumaia sailkatu zen 15:50:23ko denbora egin zutela. Azkenak suertatu ziren Lutxana Arraun Elkarteko emakume erandioztarrak 16:07:86ko emaitzarekin. Gizonezkoetan, berriz, Bermeo eta Sanpedro nagusitu ziren senior eta gazteen kategoriatan, hurrenez hurren. Arkoteko mutil gazteak finaleko hirugarren gelditu ziren eta Getxokoak, ordea, laugarren kontsolamenduko. Argazkian, "Goizeko Izarra" getxoztarren trainerua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun