Emakumeak artearen historian izan duen ibilbidea aztertuko dute bihar Erandion

Bihar, asteartearekin, "Artearen historiatik pasatu diren emakume artistak" gaiari buruz jardungo du Marta Ortiz hizlariak. Hitzordua arratsaldeko 7:30ean jarri dute Altzagako San Jeronimo kalean dagoen posta zaharrean. Berbots Erandion Euskaraz taldeak antolatutako ekintza horretan, gainera, "Emakumea Artean. Atzo eta Gaurko emakume artisten inbentarioa" diaporama jarraitu ahal izango da Ortizen azalpenekin batera. Marta Ortizek adierazi duenez, "orain dala urte batzuk hasi nintzen lan honetan, konturaturik, ez zegoela inon be topatzerik Artearen Historiatik pasatu diren emakume artisten zerrendarik. Gutxi batzuk ezagutzen ditugu, baina asko eta garrantzi handikoak dira errenazimendu garaitik hasi eta gaur arte, artea eraldatu duten emakumeak, modalitate guztietan gainera; margolariak, argazkilariak, eskultoreak...". Argazkian, Frida Kahlo pintore mexikarra da emakume artistarik ezagunetariko bat / cc-publicdomain Carl Van Vechten.