Familia, euskara, Euskal Herria eta lagunak elkarrekin lotu dituzu zintzotasunez. Abertzaleen arteko batasuna izan baita zure bizitza osoko helburu eta nahia. Beharrizan guztien aurrean erne, jakituriaz, zuzentasunez eta egiatasunez jokatu duzu. Egoera zail guztietan umiltasunez eta esfortzuak bateratuz adostasuna lortzeko bideak zabaldu dituzu.
Eskertzen dizugu, aita, erakutsitako giza kalitatea, euskaltasuna, egiatasuna eta zure emankortasuna, horrek eraman baikaitu handitasuna eta apaltasuna protagonismorik gabe bateratzeko modua ikastera. Mila esker zure hizketa eta irakaskuntza maitagarri eta jakintsuengatik, zu izan baitzara maisu eta pareko kide atsegin, begikor, irribarretsu eta ohoretsu. Denok batean, herriak eta familiak gogoan zaitugu. Maitasunez, emaztea eta seme-alabak.
Zure senidearengandik, aita, jaso ezazu geure maitasunik handiena. Guretzat aitarik onena izan zara beti. Zure osotasunetik, eskuzabaltasunetik eta ondasunetik ikasi ditugu bizitza honen balioak. Zuk erakutsi diguzu osotasunez eta zuzentasunez jokatzen. Zure bihotzeko eskuzabaltasunak lagunkidetasuna piztu du gure baitan. Hitz gutxiko pertsona izanik ere, denei entzuteko gaitasunaren bidez, beharrezko hitzak esateko prest egon zara beti. Euskara zure bihotzeko hizkuntza izanik, nahiz eta hizkuntzetarako erraztasun gutxi izan, buru-belarri ibili zinen euskara ikasi arte eta zure lehen hizkuntza egin arte. Argazkia: cc-by-nc-sa Basajaun.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun