Txori abeslarien lehiaketa egingo dute igandean Larrabasterran

Urkoko zelaiek Txori Abeslarien XI. Lehiaketa hartuko dute igandean, ekainak 5, Sopelako Udalak eta Txori Lagunak Elkarteak antolatuta.Aipatu taldea 1961ean eratu zuten, eta beraien hitzetan, "eskarmentu handikoa da". Aurreikuspenen arabera, Araba, Bizkaia, Gipuzkoa, Kantabria eta Errioxako 150 txorik parte hartzea espero da. Federatutakoak lau mailatan banatuko dira: karnabak, karnaba mistoak, txokak eta txoka mistoak. Federatuez gain, zaleek eta herrikoek beren lehia propioan ere parte hartzeko aukera izango dute. Sariketa goizeko 9:30ean hasiko da, baina izen ematea 8:30ean egin beharko dute parte-hartzaileek. Argazkian, karnaba / cc-by-sa juan_e.