Getxo udalerriko hainbat eragilek euskararen aldeko Sarea Josten ekimen "irekia, herritarra eta horizontala" martxan jarri zuten 2010eko otsailean, "euskararen alde gabiltzanok, euskaraz lan egiten dugunok eta euskaldunok elkar ezagutzeko eta elkarrekin lan egiteko". "30 eragilek eman genion hasiera ekimenari eta hainbat jarduera antolatu genuen: erakusketa ibiltaria, soinu-deiak Koska irratian, ekintzen egutegia, herri-bazkaria, eta abar", sustatzaileek azaldu dutenez. 2011n jostunen familia handitu egin da eta beste zazpi eragile gehitu dira euskararen aldeko auzolanera: Getxoko Ikasle Abertzaleak, J.B. Zabala ikastetxeko guraso-elkartea, Getxoko Udaleko Euskara Zerbitzua, Itzubaltzeta / Romoko Bereterretx euskal kultur elkartea, Itzubaltzeta gaztetxea, Begihandi kultur elkartea eta Geroa ikastolako guraso-elkartea. Sarea Jostenekoek azaldu dutenez, "37 eragileon artean berbakafea egin genuen otsailean eta manifestua kaleratu berri dugu maiatzean. Udazkenari begira beste bi helburu adostu genituen: 'Gure berbakere' txapelketa eta agenda bateratua". Argazkian, hainbat lagun otsailaren 25eko berbakafean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun