Sopelako Bilduk adierazitako konpromisoen artean, "aldaketaren lidergoa herriarekin eta aldaketaren alde egon daitezken guztiekin konpartitzeko prestutasun osoa" dutela adierazi du koalizioak. Ezkertiarren hitzetan, "politika egiteko estilo berria martxan ipintzeko konpromisoa hartzen dugu, baita sopeloztarren protagonismoa suspertzeko ere". EAJri buruz ondokoa esan dute: "bere jarduera eta kudeaketa erabat kuestionatuta daude eta beraz, aldaketaren agindua errespetatu behar du". Horrekin batera, "alderdi espainolisten ordezkaritza, gutxiengo nabarmena izanda, aldaketa zapuzteko ezin dutela erabili" azpimarratu dute.
Sopeloztarrei zorionak emateko bideoa plazaratu dute Bilduko zerrendakideek (cc-by Bildu):
Etxez etxe banatutako triptikoan, maiatzaren 22ko udal hauteskundeen inguruko hausnarketa plazaratu du Sopelako Bilduk. Koalizioak adierazi duenez, "zalantzarik gabe, herriaren gehiengoak aldaketa bat agindu du. Hori gauzatzeko Sopelak lehenengo aldiz alkate independentista, ezkertiarra, gaztea eta emakumea eduki behar du". Saioa Villanueva da alkategaia. EAJri 221 botoen aldea atera zion Bilduk, nahiz eta zinegotzi kopuruan zazpina berdindu. Triptikoan, bere lehenengo konpromisoak eta ekimenak ere zerrendatu dituzte. Alkatetza hartzeko "erabat prest" daudela aitortu du Sopelako Bilduk; baita "aldaketaren garapena alderdi guztiekin konpartitzeko" ere. Bide horretan, EAJ, PSE-EE, EB, Aralar eta Berdeekin jarriko dira harremanetan. Aurrera begira hartuko dituzten erabakien berri emateko, batzar irekia deitu dute ostiralerako, ekainak 3. Hitzordua 20:00etan jarri dute Udaletxeko plazan. Argazkia: cc-by-sa Bildu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun