Bihar, ekainak 3, udako ostiraletako gaueko zerbitzuari ekingo dio Metro Bilbao garraio enpresak. Hurrengo lau hilabeteetan 48 orduz jarraian ibiliko dira trenak astebururo. Tokiko arduradunek zehaztu dutenez, ostiraletako ordutegia eta maiztasunak larunbat gauetan eskaintzen diren berberak izango dira, aipatu lehenengo eguneko zerbitzua 02:00etatik 06:00etara luzatuz. Horrenbestez, ekain, uztail, abuztu eta iraileko asteburuetako gau guztietan, hamabost minututik behin ibiliko dira trenak Etxebarri-San Inazio enborrean eta ordu erditik ordu erdira Santurtziraino eta Plentziaraino, bi noranzkoetan. "Ordutegi berriak uda heltzean jendearen ohiturak aldatzen direlako eta hiriko trenaren erabilerak etengabe gora egiten duelako jartzen dira. Metroak zeharkatzen dituen aisialdiko jardunak eta herri eta auzoetako jaiak ugaltzea erabakigarria da gaueko zerbitzua luzatzeko", metroko arduradunek azaldu dutenez. Argazkian, metro geltoki bat bidaiariz gainezka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun