Ekainaren hasierarekin batera, "Osteguna, Nabigatzailearen Eguna" ekimena jarri du martxan Getxoko Turismo Bulegoak, udalerriko bela enpresen laguntzaz. Horren bidez, gaur hasi eta irailera bitartean, ostegunero 2 orduko irteerak egingo dituzte belaontzian, 30 euroren truke. Hitzordua Kapitaintza Eraikinean jarri dute, 16:45ean. Irteerak, berriz, 17:00etatik 19:00etara izango dira. Lekua lortu nahi dutenek, aldez aurretik eskatu beharko dute 944 910 800 telefono zenbakira deituz edo infoturismo[abildua]getxo.net helbide elektronikora mezu bat bidaliz. Aipatu ekimena "Euskal kostaldea belan" programaren barruan kokatzen da. Belaontzian, iraupen, ibilbide eta salneurri desberdinetako beste irteera batzuk ere eskaintzen ditu egitasmo horrek, pertsona guztien behar eta nahietara egokitzeko. Argazkian, belaontzi bat Galea lurmuturretik gertu / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun