Ereagako hondartzak, ordea, aurtengoa laugarren aldia izango da bandera urdina jasotzen duena (aurrekoak 2006, 2007 eta 2010ean izan ziren). Bandera urdinak aurretik ezarritako estandar batzuk bete izana egiaztatzen du, tartean, bainatzeko uraren kalitate ona, garbitasuna, informazioa, ingurugiroko hezkuntza, segurtasuna, zerbitzuak eta instalakuntzak. Azken helburua, berriz, turismoaren garapen jasangarria eta hondartzarako eta gunerako ingurugiroko gestioa lortzea da.
Keltse Eiguren Ingurumen zinegotziak bere poztasuna agertu du lortutako bi sariengatik: “gure hondartzak guztien on dira, gero eta ahulagoa den herri eremua osatzen dute, eta horregatik, horiek zaindu beharra dugu, eta horiek errespetatzen eta partekatzen ikasi behar dugu”.
Algortako Ereaga eta Getxoko Azkorri-Gorrondatxe hondartzak jantziko dute, beste urte batez, bandera urdina. Gauzak horrela, hareatza horiek Euskal Autonomi Erkidegoko erreferentziazkoak izango dira beren ingurumen kudeaketari dagokionez. Izan ere, ADEAC-FEE, Ingurugiroko Hezkuntzako eta Kontsumitzaileen Elkarteak hiru bandera urdin eman dizkio EAEri: Algorta eta Getxoko banari eta Ea udalerrikoari. Ikur hori, "ingurugiroa eta natura errespetatuz, itsasertzaren eta hondartzen gestioan egindako ahaleginak aitortzeko saria", dela adierazi dute tokiko udal iturriek. Azkorriko hondartzak 1.992an lortu zuen bandera urdina lehenengo aldiz eta, harrez geroztik, 18 bider eskuratu du, salbuespen bakarra Prestigeren isurketek eragin zutela. Hareatzaren ezaugarri bereziengatik garrantzi nabarmena du ingurumenaren ikuspuntutik: alde batetik, dunen ekosistemagatik; eta bestetik, bere hondar-lurzoru bigunean euskal kostaldean aurki daitekeen apo lasterkariaren bi populazioetako bat bizi delako bertan. Argazkian, bandera urdina Azkorrin / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun