Larunbata
Bihar, larunbatean, dozena erdi musika emanaldi izango dira. Larrabasterrako Urgitxeta plazan, 19:00etatik aurrera, Arrabots boskoteak erromeria gidatua egingo du Aitxu! Sopelako euskara taldeak udari hasiera emateko antolatutako euskal erromerian.
Ordu bat beranduago, Itzubaltzeta / Romoko Koadrila Egunaren barruan, herriari bira emango diote Orkresta Nazionala elektrofanfarrekoek eta ostean jaialdia izango da gaztetxean, DJ Leche de Gorrion Zurdorekin, sarrera doan. Arratsaldeko 8etan ere, Ertz metal talde getxoztarrak eta Trim punk-rock banda lutxanarrak Erandioko Sentinel aretoan joko dute, Mala Noche taldearekin batera.
Sopelara bueltatuz, Sunset aretoak Reggae Gaua ospatuko du gaueko 11etatik aurrera, Txakales Sound System, Luki Zarra, Samurai, Mc Txango eta Nebula Selektharen eskutik. Era berean, TDK Sound, Tronis Selektha eta Sepis Selekthak bukaera emango diote. Ordu berean, Thai tabernan, ordea, Zama DJ plentziarra izango da musika techno jartzeko arduraduna.
Bestalde, Busturia herriak hartuko duen Biodibersika jaialdian Aitor Esteban itzubaltzetarra jotzen duen Kherau taldea izango da. Biodibertsitatearen aldeko festibala herriko plazan garatuko da eguerditik goizaldeko 3ak arte, doan. Kherauz gain, Moncada 20, El Columpio Asesino, Colajets, Enkore, Shisha Pangma, Zarra, Kike Mora Jazz Trio, Pulsar, Chaotic Covers, Hey Neken eta Masiompa ikusteko eta entzuteko parada izango da bertan.
Igandea
Azkenik, igandean, Iruñeko Alde Zaharrean ospatuko den "1512an konkistatuak, 2012an bizirik!" lelopeko jaialdian arituko da Siroka Uribe eta Enkarterrietako taldea. 14:00etatik aurrera, Zumalakarregi Atearen ondoan dagoen Redin kaleak honako taldeak hartuko ditu:El Trono de Judas (punk-rok), Siroka (pop), Los Zopilotes Txirriaos (rantxerak), Iparfolk (Folk) eta Skatu (ska-rock). Gainera, "Nafarroaren konkistaren musika bilduma" aurkeztuko dute bertan.
Azken boladan ohi bezala, aukera franko dute asteburu honetan Uribe Kosta eta Erandioko melomanoek. Ez ohikoa bada ere, opera izango da gaur, Sopelako Kurtzio kultur etxean. Arratsaldeko 8etatik aurrera, Shavleg Armasi eta Itziar Barredo hainbat operetako ariak zabalduko dituzte. Sarrera hiru eurotan dago. Erandion, ordea, ordu berean Fobbos eta Sub.Rats taldeek rock eta grindcore kontzertua eskainiko dute Legazpi kalean dagoen Sentinel aretoan, bi eurotan. Disc-jockey-ei kasu eginez, gaueko 11etatik aurrera Igor DJ arituko da Sopelako Sunset aretoan, hip-hop eta funk gaiekin. Ordu berean, Blaka Soul DJ arituko da Sopelako Thai tabernan, hip-hop, drum eta bass oinarri izango dituela. Leioan, berriz, Kalian aretoak denboraldi amaierako jaialdia burutuko du, gaueko 11etatik aurrera. Ainara Gasconek Niloren lurraldeko dantzak eskaini ditu. Ondoren, Edu Lazurtegi Band-en funk-jazz emanaldia eta Ortza, Jon, Satte eta Kalian Troop DJen jam sesioa izango dira. Eskualdetik mugitzea nahiago duenak kontzertu getxoztarra izango du Bilboko Azkena aretoan. Bertan, 21:00etatik aurrera, Sweet Oblivion eta Those Radios arituko dira, rock, pop, mod eta folk doinuez, sarrera 10 eurotan dagoela. Sweet Oblivion laukoteak "The Natural" bere hirugarren diskoa aurkeztuko du. Larunbat eta igandean, besteak beste, Orkresta Nazionala, Arrabots, Mala Noche, Ertz, Trim, Kherau, Txakales Sound System eta Siroka taldeek joko dute. Argazkian, Sweet Oblivion / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun