Komunikatua plazaratu du enpresa batzordeak:
Maiatzaren 31n Metro Bilbao garraio enpresako zuzendaritzak aurkeztutako proposamena ez onartzea erabaki zuten atzo langileek. LABek zehaztutakoaren arabera, batzarretara hurbildu ziren beharginetatik %90ek baino gehiagok babestuta. "Enpresa batzordeak borondatea du akordioan zerrendatutako gaiak negoziatzeko eta hurrengo lanuzteen eguna (ekainak 8) baino lehen irtenbidea adosteko. Azkar ibiltzeko eta lehenbailehen erantzuteko eskatzen dio enpresari, beraz", adierazi dute ELA, CIM, UGT, LAB eta ESK sindikatuek. Dagoeneko CCOOk lanuzteak alde batera uztea erabaki du: sindikatu horrek enpresaren proposamena onartu du. Gainontzeko lan erakundeek, ordea, argi daukate. Asteartean, hilak 7, elkarretaratzea egingo dute goizeko 10etan Metro Bilbaoko bulego nagusiaren (Nafarroa, 2 / Bilbo) aurrean. Eta negoziaketan aurrerapausorik badago, 10:30ean asanblada izango da Nafarroa kalean eta 17:30ean Sarrikon. Halaber, "zuzendaritzak negoziatzeko asmorik ez badu, edo ezetz erantzuten badu", hilaren 13tik aurrera mobilizazioak eta lanuzteak areagotuko dituztela iragarri dute. Argazkian, hilaren 18an, garraio enpresako bulego nagusiaren (Nafarroa, 2 / Bilbo) aurrean elkartu ziren ehun langile inguru / © LAB Metro Bilbao.
Maiatza eta ekainerako deitutako hiru lanuzte egunetatik bigarrena izan zuten herenegun, asteazkena, Metro Bilbao garraio enpresako langileek. Geldialdien bidez, zuzendaritzak "hitzartutako akordioak bete ez eta eskubide sindikalak murriztu nahi dituela" salatzen ari dira. Besteak beste, euren ustez, gaur egun zerbitzua emateko 162 gidari eta 178 geltoki-ikuskatzaile behar dira. Halaber, langileen ordezkariek zuzendaritzari eskatzen diote gainerako puntuetan "negoziatzeko jarrera" hartzea, "inposatu edota auzitegira jotzen ibili beharrean, orain arte erakutsitako jarrera erabat aldatuz", ondoko kontuetan: guraso-baimenaren 17. astea, gidarien txanden negoziazioa, lanpostuetako hutsuneak, ekitaldi ez diren zerbitzuetako txandak inposatzea, trenen gaueko mantentze-lanak, eta abar. “Konfidentzialtasun akordioa”-ri dagokionez, "kontu larria denez", hurrengo lanuzte-deialdien arrazoietan sartuko dute sindikatuek. Besteak beste, "Deia" egunkariak aurreko egunetan argitaratutakoaren arabera, aipatu agiria sinatu beharko dute metroko langileek. Gauzak horrela, "berehala bertan behera uzteko" eskatu diote zuzendaritzari sindikatuek.
Komunikatua plazaratu du enpresa batzordeak:
Komunikatua plazaratu du enpresa batzordeak:
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun