Metro Bilbao garraio enpresak zerbitzu bereziak jarriko ditu bihar, larunbata, Shakira abeslari ezagunaren kontzertutik pilaketarik gabe bueltatu ahal izateko. Udaberriko eta udako larunbatetan ohikoa den gau osoko zerbitzua indartuko dute gauerditik eta goizaldeko ordubata arte. Gauzak horrela, Algortaraino iristeko bospasei minuturo izango da trena. Urdulizerako metroak, berriz, hamar minuturo irtengo dira San Mamesetik. Plentziarrek, ordea, ez dute aldaketarik nabarituko, ohi bezala ordu erdiro helduko baita garraio publikoa hiribilduraino. Shakira abeslari kolonbiarrak San Mames futbol zelaian abiatuko du “Sale el Sol” delako biraren emanaldia gaueko 10etan. Aurretik, Juan Magan eta Ragdog musikariak arituko dira, 20:30etik aurrera. Dena den, ikuslerik goiztiarrenak 18:30ean sartuko dira San Mamesen ordu horretan irekiko baitituzte ateak. Argazkian, Shakira pasa den azaroaren 23an Barakaldoko BECen emandako kontzertuan / © Shakira Euskadi.
Metro Bilbaok zerbitzua erabiliko duten bidaiariei joan-etorriko txartela hartzeko gomendatu die, "txarteldegietan ilararik ez izateko". Geltokietako langileei jaramon egiteko ere eskatu die, batez ere, "geltokietako langileen esanak betetzeko, zerbitzua ondo ibiliko bada".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun