"Erauntsia pasatu eta guardasola atera" dio esaera zaharrak, bere zabalean. Euskal Herriko eguraldia aldakorra dela medio, etxetik irten eta gero aukeratutako arropaz damutu behar izatea edonori gerta dakioke, noiz edo noiz. Horri konponbidea jarri nahian, UKBERRI.NETek Uribe Kosta eta Erandioko eguraldia eskaintzeari ekin dio, udalerrika gainera, nahiz eta udalerri ezberdinen arteko aldaerak txikiak izan. Horretarako, AEMET Espainiako Meteorologia Agentziak zabaldutako teknologia erabili dugu, akatsen bat izanda ere, euskaraz dagoela baliatuta. Ezkerreko menuan, "Eguraldia" sakatuta, eguneko zein datozen hiru egunen pronostikoa, gehienezko eta gutxienezko balizko tenperaturak, haizearen norabideak eta indarrak eta euria egiteko probabilitatea ikusi ahal izango dira. Gainera, nahi izanez gero informazio gehiago eskuratu ahal izango da, AEMETen logoa sakatuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun