Perfecto Andres Ibañez, Adolfo Prego de Oliver, Jose Ramon Soriano, Miguel Colmenero eta Siro Francisco Garcia magistratuek osatutako epaimahaiak Ibai Egurrola ere izan dute aipagai. Gazte algortarra kondenatzeko orduan Auzitegi Nazionalaren sententzia "neurriz gainekoa" izan zela dio Gorenak, "epaitua izaten ari ez zen gertaerengatik zigortu zutelako". Amets Ladislao eta Xavier Gutierrezi dagokienez, "baliozko egozketa-frogarik ez dago", ETArekin lotzeko.
Espainiako Auzitegi Gorenaren sententzia
Frogarik ez dagoelako absolbitu dituzte Ladislao, Egurrola, Gutierrez eta Alcocer
Akusazio frogarik ez dagoela iritzita absolbitu egin ditu Marimertxe Alcocer, Amets Ladislao, Ibai Egurrola eta Xabier Gutierrez Espainiako Auzitegi Gorenak, besteak beste, Europa Press albiste agentzia espainolak adierazi duenez. Auzitegi Nazionalak zazpi eta bost urteko espetxe zigorrak ezarri zizkien, Asier Borrero eta Aitor Artetxe ustezko etakide algortarrak ezkutatu eta ihes egiten lagundu izana leporatuta. Gorenak dio atxiloaldian lauren bermeak urratu egin zirela. Inkomunikazio garaia ez zen grabatu. Alcocerren kasuan, ebazpenak dio, Santiago Pedraz epaileak ez zituela haren "tratu txar" salaketak ikertu. Bere burua erruztatzeko "hertsatu" egin zutela aipatzen du sententziak. Guztiek salatu zituzten "tortura bortitzak" epailearen aurrean. Argazkian, 2008ko abenduaren 28an, ehunaka lagun, 500 bat antolatzaileen arabera, batu zen eguerdian Algortan, atxilotuek jasandako "tortura basatiak" salatzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun