Plentziako Uribe Kosta BHI zentroko Ikasle Abertzaleek institutuaren funtzionamenduaren eta ikasleriaren eskubideen inguruko inkestak banatu dituzte gaur, DBHko 3. eta 4. mailako ikasleen artean. DBHko estudianteen atsedenaldian egin dute ekimena eta 50 gazte inguruk bete dute galdetegia. Ikasleen erantzuna "oso positiboa" izan da, Plentziako Ikasle Abertzaleak taldearen ustez, ikasleriaren gehiengoa jarritako mahaietara gerturatu baita eta haietariko askok inkesta betetzea erabaki dutelako, baita taldearen inguruko galderak egitea ere. Galdetegiaren erantzunak hurrengo egunetan argitaratuko dituzte, "ikasleen artean zer konpondu eta jorratu dezakegun ikusteko eta horretan oinarriturik datorren ikasturtera begira lan egiteko". Kurtso honi bukaera eman diote Plentziako IAko kideek baina datorren ikasturtean gogotsu jardungo dutela argi utzi dute. Argazkian, 2009ko apirilaren 30ean Ikasle Abertzaleak Algortan egindako eskualdeko manifestazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun