Goizean goiz, pankarta ezberdinak zabaldu dituzte: Medikuntzako Asanbladatik euskararen alde matrikulazioak euskaraz egitea aldarrikatuz, gazte independentisten eskubide zibil eta politikoen defentsan Gazte bat + ez! dinamika aldarrikatuz, eta Gizarte Zientzietako Asanbladaren eskutik "Bienvenid@s a la universidad ¿publica? patrocinada por: ConfeBask, Petronor, BBK, El Correo..." zeritzon pankartarekin EHUren eta hezkuntzaren "merkantilizazioa" salatuz. Ondoren, azterketak egin behar zituzten eraikina kartelez josi dituzte aldarrikapen ezberdinekin: kontrol soziala salatuz, "Zona videovigilada, kamaraz zaindutako gunea" zioten kartelen bitartez; merkantilizazioa salatuz, "UPV=Petronor, Ertzaintza, ConfeBask, El Correo, BBK, kamerak..." bezalako leloekin; edota 2015 Unibertsitate Estrategia eta merkatuaren menpeko unibertsitate publikoaren finantzazioari buruz, ANECAk eta Hezkuntza Ministeiroak kaleratutako testuak plazaratuz.
Eskuorriak eta antzerkia
Era berean, azterketak baino lehen, ikasleen sarrerarekin bat eginez, tolesturiko eskuorri txiki batzuk banatu dira. Bertan, alde batean zera jartzen zuen: "Ikasle, ez irakurri azterketa bukatu arte". Eta beste aldean ondokoa: "Zeri deitzen diogun: hezkuntzaren pribatizazioa, elitizazioa, full-time study, infantilizazioa, Unibertsitate Estrategia 2015, hezkuntza lehiakorra... Eskuorria zabaltzean, barnean, hezkuntza eredu espainiarrari buruzko eskematxoa azaltzen zen, zera adieraziz: "Selektibitatetik ateratako zenbakiak bizitzaren laburpen gisa, zein nolako etorkizuna dugun aukera, ilusio eta lan irteerei dagokienez. Amaieran, ametsak merkatuaren beharrak bihurtzen direla jakinarazten delarik", azaldu du Gizarte eta Komunikazio Zientzietako Asanbladak.
Azkenik, hainbat ikaslek "EHUren errealitatea" irudikatu nahi izan dute antzerki baten bitartez: "Agintzen duen enpresari batek segurtasun zaindari bat sokaz eusten zuelarik, barra-kodea zeukaten maskaraz jantzitako ikasle / bezeroak gidatzen zituen". Antzerkia, selektibitatea egiten ari ziren ikasgela ezberdinetatik eta korridoreetatik pasa da.
Burututako ekintzak iruditan
Selektibitatearen harira unibertsitatearen "merkantilizazioa" salatu dute Leioako campusean
Batxilergo eta Lanbide Heziketako ehunaka ikaslek gaur hasi dituzte unibertsitatera sartzeko azterketak EHUn. Hori dela eta, komunitate unibertsitarioaren "hipokresia eta merkantilizazioa" salatzeko hainbat ekintza burutu ditu ikasle mugimenduak, Leioa eta Erandioko campusean. Gizarte eta Komunikazio Zientzietako Asanbladak zabaldu duenez, goizean goiz pankartak zabaldu dituzte, hautaproba egin behar zuten eraikina kartelez josi dute, esku-orriak banatu dizkiete etorkizuneko unibertsitarioei, eta antzerkia egin dute ikasgela zein korridoreetan barrena. Guzti horrekin, "enpresen eta indar polizialen presentzia, 2015 Unibertsitate Estrategiak suposatzen duen hezkuntzaren merkantilizazioa (EHUren Gizarte Kontseiluko lehendakari berria Jose Manuel de la Sen Larrea da, Petronor enpresako buruetako bat), euskararen egoera tamalgarria, prekarietatea eta etorkizun iluna, jakintza kritikoaren kalte produktibitatea bilatu izana edota kontrol soziala" salatu nahi izan dituzte, "selektibitatea bezalako ekimen elitista eta lehiakorra egiten den egun honetan". Argazkian, antzerkia korridoreetan barrena / © Selektibitate Leioa 2011.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun