Iaz baino okerrago
Izan ere langileriak euskara jakitea baloratuko du Udalak esleipena emate aldera. Alabaina, 100 puntuetatik zazpi baino ez du emango Lantaldea eta Udalerriko eskaintza kultural eta turistikoa hedatzea arloak. Bertan, hiru azpiatal daude, tartean "eskatzen diren titulazioak, espezializazioa, euskara eta beste hizkuntza batzuk jakitea" barne hartzen duen Langileen profila. Hortaz, bataz beste, %0,58ko garrantzia du langileen euskara maila.
Iaz, Terraza tabernan, %1,75eko garrantzia zuen derrigorrezkoa ez zen gure hizkuntzak eta Koldo Iturbe Euskara zinegotzia berak barkamena eskatu behar izan zuen Getxoko Udaleko Euskara Aholku Batzarrean. Gertatutakoa "akatsa" izan zela eta egoerak "jokoz kanpo" harrapatu zutela esan zuen orduan Iturbek. Orain, kontua era okerragoan errepikatu da. Euskalgintzak, bere aldetik ezin izan zuen errekurtsorik aurkeztu, Getxoko Udalak ez baitu Euskararen Ordenantzarik.
Lizitaziorako beste baldintza batzuk
Esleipenaren oinarrizko diru kopurua hileko 1.701 euro izango da. Eskaerak udaletxeko Ondare eta Etxebizitza Sailean (Foruak kalea, 6) aurkeztu beharko dira, astelehenetik ostiralera 8etatik 14:00etara. Aipatu bezala, horretarako azken eguna uztailaren 8a izango da eta, horren biharamunean, toki berdinean egingo den ekitaldi publikoan agiri orokorrak eta balorazio irizpideak dituzten gutun-azalak zabalduko dituzte, eguerdiko 12etan. Eskaintza ekonomikoa duen gutuna, berriz, lizitatzaileei adieraziko zaien egunean zabalduko dute udaletxean egingo duten jendaurreko ekitaldian, 8:30ean. Argibide gehiagorako deitu 944 660 044 telefono zenbakira.
Getxoko Bentan euskaldunak hamarkada batez baztertzeari ateak ireki dizkio EAJk
EAJk gidatzen duen Getxoko Udalak esleipenera atera du Getxoko Benta taberna-jatetxe publikoa. Iaz Ereaga hondartzako Terraza tabernarekin egin bezala, udal taberna ustiatzeko baldintzetan zerbitzariek euskaraz jakitea ez du derrigorrezkotzat jo Getxoko Udalak. Hortaz, Getxo zonaldea udalerriko alde euskaldunena izan arren, baliteke bizitza sozialaren gune garrantzitsu bat ia erdara hutsean funtzionatzea. Gaur kaleratutako esleipenak Aingeruaren etorbideko ostatua zazpi urtez errentan hartzeko aukera ematen du, baita kontratua beste hiru urte t'erdiz luzatzeko ere. Hizkuntzaren ikuspegitik, bi baldintza baino ez ditu jarri Udalak. Alde batetik, errotulazioa elebiduna izatera derrigortu du, euskarari lehentasuna ematen. Beste aldetik, %0,58ko garrantzia eman dio euskarari balorazio irizpideetan. Argazkian, Getxoko Benta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun