Egitaraua:
12:00 Dantzaldia Algortako batzokiko patioan.
13:00 Kalejira herrian zehar.
15:00 Bazkaria.
17:30 Herri kirolak (Itxartukoak arituko dira herri kirola egiten).
19:00 Sardina jana.
19:30 Erromeria Egan taldearekin.
Larunbat honetan, hilak 11, Algortako Itxartu Taldeak 35. urteurrena ospatuko du. Horretarako, hainbat ekitaldi egingo dituzte egun osoan zehar tokiko batzokiko patioan. Gauzak horrela, eguerdiko hamabietatik aurrera, dantzaldia, kalejira, bazkaria, herri kirolak eta sardina jana izango dira, besteak beste. Gainera, egunari amaiera emateko, dantzaldia eskainiko du Egan taldeak, 19:30etik aurrera. Antolatzaileen hitzetan, "erromeria oso egoki iruditzen zaigu, bai ondo pasatzeko, baita euskal kultura eta euskara bultzatzeko ere. Argazkian, Itxartuko dantzariak / © Itxartu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun