Lanuzte eguna deituta dute biharko, asteartea, Metro Bilbao garraio enpresako langileek. Geldialdien bidez, zuzendaritzak "hitzartutako akordioak bete ez eta eskubide sindikalak murriztu nahi dituela" salatuko dute ELA, CIM, UGT, LAB eta ESK sindikatuek; baita “Konfidentzialtasun akordioa” bertan behera uztea eskatu ere. Dagoeneko CCOOk mobilizazioak alde batera uztea erabaki du: sindikatu horrek enpresaren proposamena onartu du. Gainontzeko langile erakundeek goizeko 5:45etik 8:45era arte egingo dute lanuztea bihar; eta ordu berberetan ostegunean, hilak 16. Bitartean, Metro Bilbaoko arduradunek zerbitzu minimoak iragarri dituzte: hamar konboietatik lau aterako dira gutxienez, ohiko zerbitzuaren %40a. Horrenbestez, San Inazio eta Arizen artean 6-7 minuturo ibiliko dira trenak. Bidezabal eta Santurtzira, berriz, 14-15 minuturo. Plentziara heltzea are okerrago egongo da. Argazkian, langileek egindako elkarretaratzeetako bat / © LAB Metro Bilbao.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun