Itzulpen akats bat zuen selektibitateko euskarazko Kimika azterketak sortutako zalaparta konpondu nahian, gaur hartu du erabakia Euskal Herriko Unibertsitateak (EHU). Bi kalifikazio emango dituzte aztertzaileek: bata, azterketa osoarena; eta bestea, akatsa zuen ariketa kenduta. Ondoren, bi noten artean altuena emango zaio ikasleari. Bestalde, azterketaren beste ariketa bat gai-zerrendaren barruan ez zegoela salatu zuten ikasleek. Haien aburuz, ariketa horri erantzuna emateko beharrezkoa zen Biologia ezagutzak izatea. EHUren arabera, ordea, galdera hauen edukia "zuzena" da, "Euskal Herriko Buletin Ofizialean azaltzen ziren baldintzak bete baititu". Kaleratutako prentsa oharrean, gertatutakoa "deitoratzen" dutela azaldu dute unibertsitateko agintariek. Gainera, eragindako kaltea "ahalik eta arinen egiten lagunduko" dutela eman dute jakitera. EHUren arabera, "inor ez kaltetzea bermatuko du hartutako konponbideak". Hala ere, "kasu hauetarako aurreikusita dauden erreklamazio bideak zabalik" daudela gogoratu dute. Argazkian, Leioa eta Erandioko campuseko ikastegietako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun