Bihar, asteazkenarekin, Hego Amerikaren independentzia eman zenetik 200. urtemugan, askapen hori ospatu eta Simon Bolibar eta Xabier Mina iraultzaileak omenduko dituzte Algortan, 19:00etatik aurrera. Horretarako, Ikasketa Bolivartiarren elkarteak hainbat hitzaldi prestatu ditu Algortako Kasinoan. Hizlariak Yolanda Rojas Urbina Venezuelako kontsula Bilbon, Adelaide Daraspe Montrealgo Unibertsitateko Antropologia eta Historia irakasle urruñarra eta Tomas Urzainki abokatu eta historiagile iruindarra izango dira. Hurrenez hurren, "La influencia del espiritu bolivariano en las naciones del ALBA", "Euskal diaspora Amerikako Ipar eta Hegoaldean" eta "Xabier Mina en la independencia de Mexico y sus relaciones con Simon Bolivar" gaiak jorratuko dituzte, ostean mahai-inguru irekia burutzeko. Argazkian, Simon Bolivarren arbasoak Ziortza-Bolibar herri bizkaitarrekoak ziren / cc-by-sa Gorka Jakobe Palazio.
Ekimeneko kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun