Galdera iodo molekularrari buruzkoa zen, baina "potasio iodoa" jarri zuten euskarazkoan. Selektibitatearen borondatezko faseko irakasgaia da Kimika, zientzietako ikasleena, eta garrantzitsua: zientzietako graduetan, inportantzia handia ematen diote Kimika azterketari. Karrera horietan nota handia eskatu ohi dute. Azken espedientearen %40 da selektibitatearen araberakoa.
Isabel Celaa
Bitartean, selektibitatean egindako hutsa dela eta, ikasleei emango zaien konponbidea azaltzeko eskatu dio Isabel Celaari Hezkuntza sailburuari Eusko Alkartasunak. Eusko Legebiltzarrean agertzeko galdegin du. Juanjo Agirrezabala EAren bozeramailearen iritziz, “hori nahi duten ikasleei Kimika azterketa errepikatzeko aukera ematea izango litzateke bidezkoena, ikasle guztiak neurri bakarrarekin neurtzeko eta inork bere burua kaltetutzat ez jotzeko”.
Selektibitateko euskarazko Kimika azterketa berriro egin behar dela eskatu dute gaur Bilbon eta Donostian dozenaka ikaslek. Eusko Jaurlaritzaren Hezkuntza Sailaren egoitzen aurrean egin dituzte elkarretaratzeak. Itzulpen akats bat zuen aipatu azterketak. Horrek sortutako zalaparta konpondu nahian, atzo hartu zuen erabakia Euskal Herriko Unibertsitateak (EHU). Bi kalifikazio emango dituzte aztertzaileek: bata, azterketa osoarena; eta bestea, akatsa zuen ariketa kenduta. Ondoren, bi noten artean altuena emango zaio ikasleari. Ikasleek, ordea, nahi duenari azterketa berriro egiteko aukera ematea eskatu dute, betiere ahal den notarik onena ateratzeko. Bestalde, azterketaren beste ariketa bat gai-zerrendaren barruan ez zegoela salatu zuten ikasleek. Haien aburuz, ariketa horri erantzuna emateko beharrezkoa zen Biologia ezagutzak izatea. EHUren arabera, ordea, galdera hauen edukia "zuzena" da, "Euskal Herriko Buletin Ofizialean azaltzen ziren baldintzak bete baititu". Argazkian, Leioa eta Erandioko campuseko ikastegietako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun