Areetako Txurruka moilak XX. mendeko urte alaien giroa ekarriko du gogora. Jarduerei dagokienez, besteak beste, Joko Klasikoaren Jaialdia hartuko du, belozipedoen erakusketa eta A-teatral taldearen "Los 20 de los XX" antzezlanaren estreinaldia. Kirol portuan, berriz, kirolari zuzendutako eremua izango da. Aurtengo edizioan surfa izango da ardatz nagusia. Hala ere, urpekaritza eta bela bezalako modalitateak ez dira faltako. Gainera, 12 metro koadroko pantaila erraldoian emanaldiak eta hitzaldiak eskainiko dituzte, Axis Munain eta Kepa Acero surflarien eskutik. Horrez gain, Smile taldearen kontzertua, Itsaspeko Astea eta Getxo Aquariumaren ateak zabalik jardunaldia eskainiko dituzte. Azken hori hilaren 24ean izango da. Azkenik, Portu Zaharrean jolas eta jai ekitaldiak egingo dituzte, tokiko tradizioetan eta marinel giroan sustraituak: masta-muturreko munduko txapelketa, "Los Guaitos"-i eskainitako omenaldi kontzertua eta, hilaren 26an, Gorpuzti eguneko giro berezia, abesbatzen kontzertuekin eta sardina janarekin.
Iaz 40.000 lagunek bisitatu zuten Getxo Sea Week ekimenaren lehenengo edizioa eta aurten bisitari kopuru hori gainditzea espero dute udal arduradunek. “Getxora etor daitezela, eta bertoko paisaiaz, bertoko gastronomiaz, bertoko merkataritzaz, bertoko kirolaz eta bertoko bizilagunez goza dezatela”, adierazi du Landak.
Imanol Landa alkateak aurtengo Getxo Sea Week ekimenaren egitarau ofiziala aurkeztu du gaur Algortako Portu Zaharrean. Itsasoaren asteak 50 jarduera baino gehiago eskainiko ditu, turismo, kultura eta kirolaren ingurukoak, besteak beste. Horiek guztiak hilaren 20tik 26ra bitartean izango dira. Ekintza gehienak, kalean egingo dituzte, "publiko guztiarentzat eta doan", azaldu dute tokiko arduradunek. Landak aipatu duenez, "ekimenarekin gure proposamen kulturala eta gure aisialdirako eskaintza aberasteaz gain, bisitariak erakarri ere egingo ditugu udalerrira, gure dendetara eta gure ostalaritzara, sektore turistikoan orokorrean dirua uztera. Eta hori oso garrantzitsua da krisialdi honetan". Aurtengo edizioan, Txurrukako moila, kirol portua eta Algortako Portu Zaharra dira aukeratu dituzten udalerriko hiru tokiak, jarduerak hartzeko. Leku horietako bakoitzak girotze berezia izango du, bertara hurbiltzen direnek "tokiko esentzia bizitzeko aukera izan dezaten". Astean zehar, txalupa zerbitzua eta metro geltokietatik aipatu hiru eremuetara hurbiltzeko autobusak eskainiko dituzte. Argazkian, Imanol Landa Getxoko alkatea eta Kepa Acero surflaria beste bi lagunekin gaur goizeko aurkezpenean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun