Txis Pun! proiektuaren lehenengo ekimena joan den apirilean izan zen, Korrikarekin batera. Getxotik pasatzerakoan, horrekin bat egin zuten Peruko eta Bolibiako lagun batzuek.
Txis Pun! proiektuaren lehenengo ekimenaren bideoa:
Getxoko Udalak atzerritarrei —dirudienez, Europatik kanpo etorritakoei buruz ari dira— zuzendutako hitzaldi informatiboa antolatu du, "berton batera bizi diren bi hizkuntzak" eta gure kultur ospakizunak ezagutzera emateko, horien artean San Juan gauaren jaia. Solasaldia gaur izango da Romo herri ikastetxean. Hitzordua arratsaldeko 7etan jarri dute. Ekimena duela gutxi Udalak martxan jarritako Txiss Pun! proiektuaren barruan kokatzen da, "udalerrira heldu diren pertsonei euskal kulturara hurbiltzeko eta era aktiboan parte hartzeko baliabideak eskaintzeko helburuarekin". Ildo horretan, udako solstizioa ospatzeko hainbat moduei buruzko ideiak emateko gonbidapena luzatu du tokiko erakundeak. Gauzak horrela, hilaren 23an izango den San Juan gauean Bolibiako talde baten partaidetza izango da, Algortako Telletxe plazan. Horrek dantzak eta kantak eskainiko ditu, Algortako Bertsolari Eskola (ALBE), Bizarra Lepoan, Egizu Getxo Euskaldun, Gorrondatxe kultur elkartea eta UKTESTekin batera. Argazkian, San Juan sua Leioan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun