Askatasunak salatu duenez, atxiloketa horiek zein 2002az geroztik Ipar Euskal Herrian izan diren beste polizi operazio erraldoien bidez “dena da ETA” Garzon epailearen tesia bereganatu du Frantziako Estatuak.
Bestalde, atxiloketa horiek helburu zehatza bazutela gaineratu du errepresioaren aurkako elkarteak. DNA laginen fitxaketa masiboa eginez eta, oro har, "kriminalizazioa eta beldurra zabalduz", Frantziako agintariek "gazteek Euskal Herriaren aitortza helburu duen borrokari agertzen dioten atxikimendua haustea" dutela xede salatu du Askatasunak. Gaur arratsaldean ere auziperatuekiko elkartasunez elkarretaratzeak egingo dituzte dituzte Kanbon eta Baionan.
Xan Beyrie eta Gilen Goiti campuseko ikasleak arratsaldean epaituko dituzte Parisen
Gaur arratsaldean, hiru terrorismo delitu leporatuta, Xan Beyrie eta Gilen Goiti Erandio eta Leioako campuseko ikasleak epaituko dituzte Pariseko auzitegi berezian, Kazeta.info-k zabaldu duenez. Biak ala biak 2009ko ekainean bortizki atxilotu zituen Frantziako Poliziak, Euskal Herria Zuzenean jaialdirako prestaketa lanetan ari zirela. Beraiekin batera, beste bi gazte atxilotu zituzten, Ibai Agirrebarrena eta Eneko Etxegarai, auziaren zain daudenak. Beyrie eta Goitiren kasuan, hamarna hilabete igaro zituzten espetxean. Argazkian, 2009ko urriaren 22an, 125 bat ikaslek omenaldia egin zieten Gilen, Xan, Ibai eta Eneko ikaskide presoei.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun