Bere esanetan, hori hala izan da fase orokorrean zein eztabaida sortu duen Kimikako fase espezifikoan ere. Orain egun batzuk hartutako erabakiarekin (ariketa horren balorazio bikoitza egitea eta, kasu bakoitzean, ikaslearentzako onuragarriena zena aukeratzea) "kolektibo osoaren eskubideak" bermatu nahi izan ziren, eta "azken emaitzek hori berretsi dute", haren ustez. Gogoratu, proba hauek bi zati dituztela: fase orokorra, unibertsitateko gradu ofizialak ikasi ahal izateko gainditu behar dena, eta fase espezifikoa, borondatezkoa, fase orokorrean lortutako kalifikazioa hobetzeko balio duena. Campuska, Araban aurkeztutako 1.135 ikasleetatik 1.081ek gainditu dute fase orokorra, hau da, %95,24k; Bizkaian aurkeztu ziren 4.216 ikasleetatik 4.007k aprobatu dute, hau da, %95,04ek, eta Gipuzkoan, 3.062 aurkeztu eta 2.985ek gainditu dute, hots, %97,49k.
Erreklamazioak
Behin-behineko notak ikasleak matrikulatu direneko ikastetxeetako ordezkariei eman zaizkie gaur, ekainaren 16an, eta EHUren webgunearen bidez (http://www.sarrera.ehu.es) ere ikusi ahal dira. Behin betiko notak uztailaren 2an argitaratuko dira, ekainaren 17tik 21era arteko erreklamazioa egiteko eta bigarren zuzenketak eskatzeko epea bukatu ondoren. Bestalde, hautaproben ezohiko deialdia uztailaren 6, 7 eta 8an izango da.
Lehenengo datuen arabera, Euskal Herriko Unibertsitatean (EHU) selektibitate azterketetara aurkeztu ziren 8.413 ikasleetatik 8.073k gainditu egin dute fase orokorra, hau da, ikasleen %95,96k, EHUko iturriek gaur jakinarazi dutenez. Hizkuntzaren arabera, 5.079 ikaslek euskaraz egin zuten proba eta %97,87k gainditu dute, eta espainolez, berriz, 3.334 aurkeztu eta %93,04k gainditu. Behin-behineko emaitzen arabera, horrenbeste zalaparta sortu duen fase espezifikoko Kimika azterketan, %50ek gainditu du, eta batez besteko kalifikazioa 4,56 puntukoa izan da. 2010eko deialdian %53k aprobatu zuen eta batez besteko nota 4,82 puntukoa izan zen. 2009an, ordea, %47k gainditu zuten, batez besteko 4,75 puntuko emaitzarekin. "Kontuan izan behar da 2011ko datuetan ez dela oraindik bigarren zuzenketa islatu, ezta erreklamazioen ebazpena ere, eta ohikoa dela horien ondorioz batez besteko kalifikazioak igotzea", EHUko arduradunek azaldu dutenez. Carmen Gonzalez Murua EHUko Akademia Antolakuntzako errektoreordearen iritziz, "aurten unibertsitatean sartzeko probetan eman diren emaitza errealak, zehatzak, aurreko urteetan izandakoekin alderatuta berdinak izan dira funtsean, eta ez da aldaketa nabarmenik antzeman". Hala ere, ez dute Kimika azterketa euskaraz egin eta gainditu dutenen kopurua eman. Hain zuzen ere, itzulpen akats batengatik sortu zen zalaparta. Argazkian, Batxilergoko ikasleak EHUko "Fisikaz blai" ekimenean / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun