Andres Isasi musika eskolako bandak doako kontzertua eskainiko du etzidamu, asteartean. Saioa Algortako Biotz Alai plazan izango da, arratsaldeko 6:30etik aurrera. Emanaldi horren bitartez efemeride bikoitza ospatu nahi dute: alde batetik, Musikaren Eguna; eta bestetik, zentroaren 25. urteurrena. Musikarien zuzendaritzan Alfontso Vilaren jardungo da eta, ekitaldi horretarako, ikus-entzunezko emanaldia prestatu du. Horren bitartez, bertara hurbiltzen diren musikazaleek mendebalde basatian barrena ibiliko dira Ennio Morriconerekin; oihanetik basamortura salto egingo dute John Williamsekin; Titanic ontzian sartuko dira James Hornerrekin; eta altxorrak bilatuko dituzte Hans Zimmerren eskutik. Egitarauak, C. Strovse, J. Barry, R. Rodgers, K. Badelt eta M. Steinerren piezak ere barne hartzen ditu, besteak beste. Argazkian, Andres Isasi udal musika eskolako banda, Algortako Erredentore elizan / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun