Joan den astean Algortan eta Areetan burutu zen Aste Berdearen bigarren eskuko azokak "arrakasta handia" izan zuela adierazi du Getxoko Udalak. Izan ere, objektuak trukatzeko eta saltzeko ekimenak iraun zuen bi egunetan, 300 liburu baino gehiago trukatu zituzten. Aurtengo edizioaren leloa "Gutxiago erabili, hobeto bizi" izan da eta, horren harira, aipatu merkatuaz aparte, hainbat aisialdi eta dibulgaziozko ekitaldi antolatu dituzte herritar guztiei zuzenduta, hala nola, txango eta bisita gidatuak, Aquariumeko ateak zabalik jardunaldiak, hegaztiei eraztunak jarri, gaztainondo txikien banaketa, mila arbola baino gehiago banatzea; eta ingurumenari lotutako argazkilaritza digital lehiaketa (pdf) zein idazlan lehiaketa (pdf). Azken horien lanak aurkezteko epea hilaren 30era arte dago zabalik. Argazkian, aurtengo bigarren eskuko arropa eta objektuen azoka / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun