Larunbat honetan, hilak 25, bosgarren toponimia ibilbidea egingo du Bizarra Lepoan euskara elkarteak. Hitzordua goizeko 9etan jarri dute, Getxoko Andra Mari elizan. Bertatik abiatuta, kostaldean barrena eta inguruko baserrietatik ibiliko dira, bizikletaz. Gauzak horrela, bisitariek Saratxaga, Zientoetxe, Azkorri eta Galea ezagutzeko aukera izango dute, besteak beste. Bidean barrena, toponimia, izenen jatorria, arkitektura, geologia, biologia eta inguruko historiari buruzko azalpenak emango dizkiete parte hartzaileei. Horren gaineko argibide gehiago eskatzeko eta izena emateko, 688 635 350 telefono zenbakira deitu edo getxo.toponimia[abildua]gmail.com posta elektronikora idatz daiteke. Parte hartzaile bakoitzak bere bizikleta eraman beharko duela jakinarazi dute antolatzaileek. Argazkia: © Andra Mari Auzo Elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun