Getxoko Udalak 90.000 euro banatuko ditu aurten Gizarte Zerbitzuen arloan jarduten duten 49 erakunde eta elkarteentzako diru-laguntzetan. Arazoak konpontzeko gizarte zibilaren parte hartzea sustatzea, udalerrian dagoen elkarteen sarea bultzatzea, gizarteko boluntario-lana indartzea eta Gizarte Zerbitzuen alorreko jardueren garapenera zuzendutako proiektuetan laguntzea dira talde horien helburuetako batzuk. Publikoak zein pribatuak dira, baita irabazi asmorik gabekoak ere. Helburuak lortzeko, hainbat jarduera antolatzen dituzte, tartean, baztertutako kolektiboak gizarteratu eta bazterketa prebenitzekoak, eta minus-balioa edo bestelako arazoak dituzten pertsonen bizi-baldintzak hobetzekoak. Argazkian, Argia Fundazioaren egoitza Algortan / © Getxo.net.
Diru-laguntzak horrela banatu dituzte: Gorabide, buru ezintasuna duten pertsonen aldeko Bizkaiko elkarteak 5.900 euro jasoko ditu; Sortarazi, Klaretianoen elkarteak 5.000 euro; AECC, Espainiako Minbiziaren Aurkako Elkarteak 4.000 euro; Berdintasuna, etorkinak gizarteratzearen aldeko elkarteak 3.500 euro; Fekoor urritasun fisikoa duten pertsonen aldeko Bizkaiko Federazio Koordinatzaileak, Gizakia Fundazioak, Ibaibide Klubak eta Avifes Bizkaiko Gaixo Psikikoen Elkarteak 3.000 euro bana; Ireki, Elkartasunaren aldeko Gazteen Elkarteak 2.800 euro; Aspanovas minbizia duten umeen gurasoen Bizkaiko elkarteak eta Sendiak 2.700 euro bana; Aspace Garun-paralisiaren aldeko elkarteak eta Argia Fundazioak 2.500 euro bana; AHIDA, ume hiperaktiboen familien elkarteak 2.450 euro; Apsoriaris taldeak 2.400 euro; eta AFA a2 elkarteak, Acambi mastektomizatutako emakumeen, laringektomizatutakoen, Kosmopolis eta Ulertuz elkarteek 2.000 euro bana. Gainontzeko diru-laguntzak 600 eta 1.800 euro artekoak izango dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun