Prestakuntzak, besteak beste, honako eduki hauek izango ditu:
- Negozio modulua: Negozioa, forma juridikoa, eratzeko legezko izapideak, baimenak, lizentziak, finantzaketa eta laguntzak, bai eta lan-arriskuak eta ingurumenekoak ere.
- Finantzaketa modulua: iturriak eta motak, eta kobrantzen eta ordainketen kudeaketan ohikoak diren gainerako tresnak.
- Zergen modulua.
Behargintza Leioa enplegu zentroak ikastaro berezia egingo du, udalerrian negozio berria irekitzeko asmoa duten pertsonentzat. Uztailaren 11tik 22ra bitartean izango da. Bertan, enpresa proiektuak sortzeko eta abian jartzeko aholkularitza jorratuko dute, negozioa eratzeko helburuarekin. Guztira, 30 orduko taldeko prestakuntza emango dute, tokiak mugatuak direla. Pertsona sustatzaileei beharrezko informazioa, metodologia eta laguntza profesionala ematea da helburua, enpresa ideiak egokiro orientatzeko. Argibide gehiagorako Behargintza Leioara jo daiteke. Argazkian, Leioako Behargintza / © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun