Getxo Kirolak udal erakundeak hainbat kirol topaketa antolatu ditu uda honetarako. Gauzak horrela, nahi duenak gimnasia erritmikoa, eskubaloia, errugbia, saskibaloia, igeriketa, tenisa, surfa, futbola eta karatea praktikatzeko aukera izango du udalerrian bertan. Horretarako, aldez aurretik izena eman beharko da 944 308 070 edota 944 045 151 telefono zenbakietara deituz zein Getxo Kirolak erakundearen webgunean bertan. Bestalde, Algortako Fadura kiroldegiko kanpoko igerilekuen udako ordutegia ezarri dute irailaren 18ra arte. Gauzak horrela, igerileku olinpikoa asteko egun guztietan egongo da zabalik, 8:00etatik 21:30era arte. Kanpoko gainontzeko aldeak, hala nola, berdeguneak, zabuak eta umeentzako igerilekuak, bi ordu beranduago zabalduko dituzte. Aurten gainera, nobedade gisa, erabiltzaileek tabernaren zerbitzu berria izango dute egunero, 10:00etatik 21:00etara. Argazkian, Fadurako kanpoko igerilekua / © Getxo.net.
2011ko udarako Getxo Kirolak erakundeak antolatutako kirol topaketak:
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun