Gaur, osteguna, abiatuko dira Leioako San Juan jaiak, hilaren 26ra arte, igandera arte, alegia. Urtero, eskualdeko lehenengo jai handia da Leioakoa, Getxoko Sanisidroen baimenarekin. Gauzak horrela, festazaleen ezinbesteko hitzordua izaten da. Aurten, ere horrela izango da eta, adin eta gustu guztientzako orotariko eskaintza egin die Maritxu Teilagorri txosna batzordeak. Erromeriak, punk, heavy, pop edota rock doinuak hainbat ekimen herrikoiekin tartekatuko direla. Esate baterako, musika kalejira, karaokea, haurrentzako jolasak, goitibeheren lasterketa, askaria, sardinada edota akelarre herrikoiaren hamahirugarren edizioa. Gainera, izen eta eskarmentu handiko artistak izango dira Leioako txosnagunean: Ze Esatek!, Gose, Estricalla, Baketazo eta Tximeleta, adibidez. Bestalde, azpimarratzekoa da Leioako Basaki metal talde euskaldunak "Egunero hasten da" bere laugarren lana txosnagunean aurkeztuko diela leioaztar guztiei, taldearen 15. urtemuga ospatzearekin batera. Argazkian, gaur egingo duten akelarre herrikoia prestatzeko hamaika entsegu egin dituzte leioaztarrek.
Goitibehera Lasterketari dagokionez, laugarren edizio honetan, aurrekoetan bezala ibilbidea Mulligan's-en abiatuko da. Nagusien sailkapenez gain, umeek ere haien proba propioa izango dute. Segurtasun neurrien aldetik, goitibeheren gainean bost pertsona izango da gehienezko kopurua nagusien artean eta hiru umeentzat. Guztiek kaskoa, belaunak eta ukondoak zaintzekoak, mauka luzeko arropa eta eskularruak jantzi beharko dituzte. Zer esanik ez, goitibera guztiek frenodunak eta punta arriskutsurik gabekoak izan beharko dutela. Dena den, punta guztiak babestuta egon beharko dira.
Leioako San Juanetarako Maritxu Teilagorriren egitaraua:
Ekainak 23, osteguna
Antolatzaileek baserritarrez jantzita joatea eskatu dute.
- 21:30ean, pregoia eta txupina.
- 22:00etan, sardina jana.
- 23:00etan, erromeria Tximeleta taldearekin.
- 00:00etan, akelarre herrikoiaren XIII. edizioa.
- Ondoren, erromeriaren jarraipena.
Ekainak 20, ostirala
- 19:00etan, kalejira musikatua.
- 20:00etan, azken ostirala Bulebarrean.
- 00:00etan, kontzertua: Basaki eta Gose.
Ekainak 25, larunbata:
- 18:00etan, haurrentzako jolasak.
- 22:00etan, kontzertua: Baketazo, Estricalla eta Ze Esatek!.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Gaur, osteguna, abiatuko dira Leioako San Juan jaiak, hilaren 26ra arte, igandera arte, alegia. Urtero, eskualdeko lehenengo jai handia da Leioakoa, Getxoko Sanisidroen baimenarekin. Gauzak horrela, festazaleen ezinbesteko hitzordua izaten da. Aurten, ere horrela izango da eta, adin eta gustu guztientzako orotariko eskaintza egin die 