Bi kale eraso delituen erantzuletzat joz, Parisko Auzitegi Bereziak hiruna urteko espetxe zigorra ezarri die Gilen Goiti eta Xan Beyrie EHUko ikasleei. Epaiketan prokuradoreak egindako zigor eskaera aintzat hartu du epaileak, baina ez hori argudiatzeko ustezko delituen zerrenda. Magistratuak "terrorismo" eta lehergailuak egin izanaren delitu akusazioak baztertu egin ditu. Gauzak horrela, gazteek ez dute espetxean sartu beharko. Izan ere, aurretik hamarna hilabete eman zuten espetxean eta gainera, Goitiren kasuan ezarri dioten zigorraren herena ez da betetzekoa. Beyrieren kasuan, argiagoa da afera, zigor erdia ez baita halabeharrez bete behar. Gazteak zein defentsa ez dira auzitegian agertu epaiaren berri eman dutenean. Argazkian, 2009ko urriaren 22an, 125 bat ikaslek omenaldia egin zieten Gilen, Xan, Ibai eta Eneko ikaskide presoei.
Bi atentatu egitea leporatu dizkiete Beyrie eta Goitiri. Xan Beyrieri 2007ko ekainaren 23an Lapurdiko Hiriburu herriko higiezin agentzia baten aurka molotov koktelekin egindako erasoa egokitu diote. Gilen Goitiri, ordea, 2009ko urtarrilaren 3an Lapurdiko Jatsu udalerriko turismo egoitza baten aurrean eztanda egin ez zuen lehergailu bat jarri izana leporatu diote.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun