Nik ez dut uste Bilduri botoa eman diotenen artean gelditzeko asmorik dagoenik. Aldaketa garaiak aldarrikatuz inguratu ditu koalizioak hainbeste boto-paper, eta aldaketak mugimendua dakar. Nago, jende horrek guztiak ez duela aurrerapena zalantzan jartzen. Norabidea da aldatu nahi duena, eta hori abiada aldatzea baino sakonagoa da. Paradigma aldaketa.
Josu Amezaga unibertsitate irakasle algortarrak azken "Argia" astekarian argitaratutako artikulua
[ © Josu Amezaga - Argia.com] Gauza handia da hizkuntzak jakitea, batek ezkutatzen duena besteak erakusten baitizu. Horrekin batera, hizkuntza txikiek ere abantailak dauzkate; besteak beste, terminoak eta kontzeptuak ez dira ideologia sortzen duten eragile nagusien hain menpeko, hauek hizkuntza nagusian mintzo ohi baitira. Horixe gertatu zait gaztelerazko “progreso” hitzarekin. Euskaraz “aurrerapena” erabili izan da azken bi mendeetan gutxienez. Zenbaiti irakurri diot, euskaraz, Bildu instituzioetara iritsiz gero dagokion herrialde edo herriko aurrerapena eten egingo dela. Kontua da ordea aurrea eta atzea zer den norberaren norabideak definitzen duela. Hartara, batzuentzat aurrea dena beste batzuentzat atzea izango da, eta bestetzuentzat alboa. Argazkian, Josu Amezaga / cc-by Koska irratia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun