Bertaratzen diren garagardozaleak, janari alemaniarraz gozatzeko aukeraz aparte, gune familiarra topatuko dute. Izan ere, bertan umeentzako puzgarriak izango dira. Gainera, Getxoko Jazzaldira joaten direnentzako ekintza bereziak egingo dituzte. Bestalde, aurten, berritasun moduan, karpan bertan zuzeneko musika saioak eta bi egun berezi egingo dituzte: uztailaren 2an, Getxo Rugby Eguna eta, uztailaren 5ean, garagardoen dastaketa.
Ordutegia:
- Ekainak 30, osteguna, 19:00etatik 24:00etara.
- Uztailak 1, ostirala, 18:00etatik 01:00etara.
- Uztailak 2, larunbata, 12:00etatik 16:00etara eta 18:00etatik 01:00etara.
- Uztailak 3, igandea, 12:00etatik 16:00etara eta 18:00etatik 01:00etara.
- Uztailak 4, astelehena, 18:00etatik 01:00etara.
- Uztailak 5, asteartea, 18:00etatik 24:00etara.
Bigarren urtez, hilaren 30etik uztailaren 5era bitartean, Sommerfesta ospatuko dute Algortako Batzokiko jolasgunean. Aipatutako jaiaren izena dioen bezala ("sommer" uda da alemaniarrez, euskarazko "festa" hitzarekin elkartuta), Algortan garagardotegi alemana egitean datza. Bertan ohiko plater germaniarrak dastatzeko aukera izango da: ukondoa, saltxitxak, baita hestebeteak ere, tokiko garagardoarekin bustita. Antolatzaileak Algortako bi talde dira: Itxartu eta Getxo Rugby, biak ala biak Getxo udalerrian oso errotuta eta jende kopuru handia biltzen dutenak. Horiekin batera, Enrique Thate euskal-alemaniarra, Bilboko urdai-saltzaile ezaguna eta horrelako ekintzak antolatzen eskarmentu handia duena dabil. Argazkian, Imanol Landa alkatea eta Itxartu eta Getxo Rugbyko kideak iazko Sommerfesta aurkezten: © Itxartu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun