Beharsarearen aurkezpen ekitaldian, Koldo Iturbe zinegotziak bere poztasuna agertu zuen, "guretzat garrantzitsuak diren hainbat helburu betetzen ditu, tartean enpleguaren alde egitea, eta hori oso positiboa da, are gehiago pairatzen ari garen krisi garai latz honetan, lan bila ari diren eta kontratatu nahi duten lagunak harremanetan jartzen dituelako; euskararen erabilera sustatzea, pertsona euskaldunak eskatzen eta eskaintzen baitira eta gainera euskara teknologia berrietara hurbiltzea ere".
Beharsareak momentuz honako lan kategoria hauek aurreikusten ditu: haur zaintzaileak, klase partikularrak, begiraleak, bai aisialdi begiraleak eta baita kirol begiraleak, entrenatzaileak, ostalariak eta dendariak.
Rozio Luces Beharsarea.net-en funtzionamendua azaltzen (© Getxoko Udala)
Koldo Iturbe proiektuaren balorazioa egiten (© Getxoko Udala)
Egizu Getxo Euskaldun! elkarteak Beharsarea, Getxon lana euskaraz ekimena jarri du martxan, tokiko Udalarekin elkarlanean. Horren bidez, internet bidez hainbat esparrutan lan egin nahi duten euskaldunek eta horiek kontratatu nahi dituzten pertsonen arteko harremana erraztu nahi da. Beharsarea.net webgune bat da, "oso tresna sinple eta erabilerraza, bitartekaritza modu automatikoan egiten duena", Rozio Luces Egizuko dinamitzaileak argitu legez. Bi aukera eskaintzen ditu, lana behar dutenen zein langileak behar dutenen iragarkiak jartzeko. Lan horiek euskaraz burutu eta lan baldintza duinak errespetatu behar dituzte. Zerbitzuak hilabete bat darama martxan bere funtzionamendua frogatu ahal izateko eta, orain arte, 1.066 bisitarik 1.700 bisita egin dituzte. “Gehien bat gazteak izan dira beren iragarkiak ipini dituztenak, 86 guztira, eta 6 lagunek agertu dute euskal hiztun bat kontratatzeko nahia”, azaldu zuen Rozio Lucesek ostegunean egindako aurkezpenean. Argazkian, Joxi Arakama udal teknikaria Rozio Luces eta Koldo Iturbe zinegotzia Beharsarea ekimenaren aurkezpenean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun