LAB sindikatuak "iruzur" egitea eta "gezurrezko akordioak" publiko egitea leporatu dio Metro Bilbao garraio enpresari. Hori horrela, gaur, astelehena, ez du "proposamenik aurkeztuko". Horrez gain, "ostegunean egindako batzarraren ostean ez zutela akordiorik sinatu" eta beraz elkarren artean konpromisorik ez dutela esan du sindikatuak. Ostiralean prentsa ohar batean Metro Bilbaoko zuzendaritzak emandako informazioa gutxietsi du sindikatuak. Bere ustez, "gezurrak eta akordio faltsuak" aireratzen ditu enpresak. "Egiazkoak ez diren" konpromisoak aireratzea leporatu dio sindikatuak Metro Bilbaori. Ostegunean egindako batzarrean, Metro Bilbaoren aldetik, "tentsio, nagusitasun eta mespretxu ugari egon zirela" eta akordiorik lortu ez zutela esan du LABek. Argazkian, metroko langileak San Inazioko geltokian joan zen asteazkenean / © LAB Metro Bilbao.
Sindikatuen hitzetan, enpresa-zuzendaritzak, batzarreko edukiekin eta bileran izandako moduekin bat ez zetorren batzarraren akta aurkeztu zuen eta sindikatuak akta hori ez sinatzea erabaki zuen". Greba-batzordeak esan du bilerarik ez duela egingo eta "proposamenik ere ez duela emango" gaur.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun