Ostiral honetarako, uztailak 1, hitzaldi berri bat antolatu du Eztabaida gune antiautoritarioak. "Criminalizacion de los movimientos sociales y lucha del pueblo mapuche" izenburupean, Paulo Rojas txiletarrari emango diote hitza Algortako Amezti kaleko lokalean. Antolatzaileek adierazi dutenez, "Rojasek ondo ezagutzen ditu bere herrialdeko borroka sozialak" eta komunitate maputxeekin elkarlanean dabil Rankilkon. Maputxeen arazoei eta horiek Txileko Estatuaren aldetik jasaten duten errepresioari buruz hitz egingo du, baita bertako ingurumen txikizio eta mugimendu sozialen egoeraren inguruan ere. Hitzaldia hiru zatitan banatuta egongo da: maputxeen gatazka (preso politikoak, lurraldetasuna, borrokaren egungo egoera...), ingurumena (zonifikazioaren eta zentralen aurkako borroka) eta mugimendu sozialen kriminalizazioa. Arratsaldeko 7etan izango da solasaldia. Argazkian, maputxeen aldeko mobilizazioa Txilen / © Askapena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun