Uztailaren 22ra arte luzatuko dute Itzubaltzeta / Romon dagoen Gobelaurre Boluntariotza Zentroko lokalen erabiltzeko eskaerak aurkezteko epea, Getxo Kirolak erakundeak horretarako onetsitako araubidearen arabera. Aipatu eraikinaren xedea lana udalerrian egin eta beraien gizarte-jardueraren oinarrizko garapenerako egoitza behar duten tokiko erakunde laguntzaileak sustatzea da, tokiak eta baliabideak eskainiz. Elkarteek honako hiru erabilpen-motak eduki ahal izango dituzte: aldi baterako egoitza bulego gisa erabiltzeko, gehienez hiru urte arteko eperako; aldi baterako jardueretarako espazio komunak, urtebeteko mugarekin; eta, azkenik, noizbehinkako jardueretarako espazio komunak, iraupen laburra eta zehatzeko jarduerak egiteko. Horretarako, interesatuek beren eskaera eta agiriak hurrengo tokietan aurkeztu beharko dituzte: udaletxeko Erregistro Orokorrean, herritarren arretarako bulegoetan edo Gizarte Zerbitzuetako egoitzan. Argazkian, ezkerretik eskuinera, Elena Coria Gizarte Zerbitzuen zinegotzia, Imanol Landa alkatea eta Mercedes Garaikoetxea FEGEVOLeko presidentea boluntarioen topaketa bat aurkezten / © Getxoko Udala.
Elkarte eskatzaileek Getxoko Udaleko edota Eusko Jaurlaritzako elkarteen erregistroan inskribatuta egon beharko dute. Bestalde, izaera sozialeko helburuak izan beharko dituzte, berdintasuna, justizia soziala eta giza eskubideei errespetuz betetako irizpideekin. Gainera, beraien jarduera nagusia udalerrian eta udalerrirako eraman beharko dute aurrera, egitura ireki eta parte-hartzailea izanez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun