Hurrengo asteartera arte eman daiteke izena Getxoko eskola-umeentzako udako ikastaroetan

Aurten ere Lehen Hezkuntzako 6. maila eta DBHko lehenengo zikloa ikasi dutenentzako udako ikastaroak antolatu ditu Getxo Kirolak udal erakundeak. Gaur zortzi itxiko dute izena emateko epea. Aipatu ekimenak bi atalez osatuta dago: ikasketa eta kirola. Horietako bakoitzak bi orduko iraupena izango du egunero eta ikasle bakoitzari egokitutako metodologia erabiltzen dute bertan. Horretaz gain, bide-hezkuntzako ikastaroak eta ibilbide naturalak ere egingo dituzte. Jarduerak Algortako Fadura kiroldegi ondoko antzinako garagardotegian egingo dituzte uztaila eta abuztuan zehar. Matrikula udaletxean bertan zein herritarren arretarako bulegoetan egin daiteke, 29,30 euroren truke. Argazkian, besteak beste, tenisean arituko dira neska-mutilak / © Getxo.net.