Epaitzen ari dena ETAk bideraturiko jarraibidea ote den, joko horretan ez gara sartuko. Ezta ere, ETArekin edo mundu horren gainetik daudenekin partekaturiko estrategia ote den. Uste horiek denak maltzurkeriaz egindakoak dira eta iraganeko eztabaida interesatuei dagozkienak.
Berretsi egiten dugu prozesuaren gertakarien oinarrian batzarrerako eskubidearen urraketa argia azaltzen dela. Horrez gain, epaileek erabakitako auzipetu batzuen behin behineko kartzelaratzea ere salatzen dugu, jakina denean eta ezaguna denean, gaur egun erakundeetan ordezkaritza duen koalizioaren alderdikide direla.
Euzko Alderdi Jeltzalea konbentzituta dago Euskadin sasoi berria zabaltzea ezinbestekoa dela. Urte luzez zabalik egondako trintxera itxiko duen garai berria. Sasoi berri bat, non ezker abertzalea egitura politikoan eta erakundeetan protagonista izango dena. Aurrera begiratzeko garai da.
Hori dela eta, EAJk uste du beharrezkoa dela behin betirako kausa hau zarratzea eta zentzugabeko kasu politiko-juridiko honekin bukatzea.
Euzko Alderdi Jeltzalea
EAJk, Bateragune kasu bezala ezagutzen den ahozko fasea bukatu ondoren, berretsi egiten du prozesuan auziperaturik daudenen kasuaren artxibatzearen eskaera. Euzko Alderdi Jeltzaleak uste du Bateragune epaiketa Estatuko botere batzuk eta alderdi politiko eta komunikabide batzuk jarraitzen duten estrategia politikoaren adierazlea dela, Ezker Abertzalearen munduari loturiko guztia, “dena ETA da” ustearena hain zuzen ere. Tesi horren kontra azaldu da beti Euzko Alderdi Jeltzalea, ezker abertzaleko ordezkariek publikoki egindako adierazpenetan ezeztatua izan dena, zenbait erabaki judizialetan kontra egindakoa eta azken urte bietako gertakariekin gainditua. Azken finean, tesi horri ezin eutsirik, berau salatu eta errotik ateratzea beharrezkoa da. Argazkian, Eleak mugimenduak deitutako elkarretaratzea Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun